بسم الله الرحمن الرحيم
بعد السلام عليكم مبروك على المنتدى وان شاء الله يكون من اكبر المنتديات العلمية على الشبكة العنكبوتية ان شاء الله رب العالمين
كنت حبة اوى ان كل حد يتكلم عن اللى بيحلم بية واملة فى بكرة ان شاء الله
ربنا يوفق الجميع ويحقق اللى بنتمناه
وان شاء الله هبدء بنفسى
انا نفسى جدا يكون بكرة افضل من النهاردة بكتيييييييييير
نفسى الناس تبص للدنيا بشكل مختلف يخليهم يغيروا اسلوبهم وطريقتهم للافضل فنعيش فى حياه جميله خاليه من الزيف والخداع والانانية ودة من وجهة نظرى اللى هيخلى بكرة افضل وممكن الناس توصل لدة لما تقرب من ربنا اكتر وتعرف حقيقة الدنيا وانها متستاهلش كل اللى هما بيعملوة عشانها دة على ايه يتنافسوا ويتحاربوا لو كل حد يعرف انها اصلا فانية وبعدين انه لكل مجتهد نصيب وان الله لا يضيع عمل عامل من ذكر او انثى ان ترضى بقضاء الله تكن اغنى الناس هتكون الدنيا افضل كتير وهتزول معظم المشاكل بين الناس وبعض
يا سلام لو دة يحصل
ويا سلام كمان لو كان كل حد صريح وميكونش فى خبث ولا غيبة ولا نميمة والله بردة هتكون الدنيا شكلها احلى كتير
كل دة احلام مظنش ان حاجة منها ممكن تتحقق بس خلينى على الحلم لما اشوف هيودينى لحد فين هو مخلينى اهرب من الواقع المرير اللى انا كرهاه
لكن مع الاسف هو دة الامر الواقع حسبى الله ونعم الوكيل ومش معنى كدة انى ملاك ولكنى اقول
لا اله الا انت سبحانك انى كنت من الظالمين

وعليكى افضل السلام بجد انا مش لاقية احلى من كلامك علشان ارد عليكى بجد كلامك جميل من القلب للقلب وعايزة اقولك ان مافيش حاجة اسمها مستحيل والمستحيل ده كلمة احنا اللى نتحكم فيها مش هيا اللى تتحكم فينا وياريت تقوى ايمانك بحلمك واسعى دايما انك تحقيقيه فعلا احنا مش ملايكة بس بردو مش شياطين وياريت لو كل واحد مننا يحاسب نفسه بنفسه قبل ان ياتى يوم الحساب اللى محدش هيلاقى رد يرد بيه .شكرا جدا ياحنين